Rússar eru sagðir hafa útvegað Norður-Kóreu yfir milljón tunnur af olíu síðan í mars á þessu ári.

Þessi tíðindi byggja á gervihnattamyndum frá samtökunum Open Source Centre sem eru óhagnaðardrifin og starfa í Bretlandi.

Að sögn sérfræðinga og Davids Lammy, utanríkisráðherra Bretlands, er olían notuð sem greiðsla fyrir vopnin og hermennina sem Norður-Kóreumenn hafa sent til Rússlands vegna stríðsins í Úkraínu, að því er BBC greinir frá.

Frétt af mbl.is

Telja Norður-Kóreu hafa sent 10 þúsund hermenn

Brot gegn refsiaðgerðum SÞ

Þessi viðskipti eru brot gegn refsiaðgerðum Sameinuðu þjóðanna, sem banna löndum að selja olíu til Norður-Kóreu, nema í litlu magni. Með því er reynt að hafa hemil á efnahag landsins til að koma í veg fyrir að það haldi áfram þróun kjarnorkuvopna.

Leggjast 43 sinnum að bryggju

Í gervihnattamyndunum, sem var eingöngu deilt með BBC, sjást á annan tug norðurkóreskra olíuflutningaskipa leggjast að bryggju í austurhluta Rússlands samtals 43 sinnum síðustu átta mánuðina.

Fleiri myndir sem voru teknar af skipunum á hafi úti virðast sýna skipin leggjast að bryggju næstum tóm en fara þaðan næstum full.

Rússneska utanríkisráðuneytið svaraði ekki fyrirspurn BBC um viðbrögð við fregnunum.

Tengdar fréttir

Norður-Kórea

Eldflaugavarnarkerfi í skiptum fyrir hermenn

• Gagnrýnir Vesturlönd harðlega vegna Úkraínu
• Selenskí: N-Kórea heyir stríð í Evrópu
• Vonast til að glíma við Rússa og N-Kóreu með Trump
• Standa með Rússum þar til sigur vinnst

» Fleiri tengdar fréttir

Úkraína

Efast ekki um að Bandaríkin átti sig á skilaboðum

• Segir að friði verði aðeins náð með afli
• Hótar Bretum og Bandaríkjamönnum
• Segir að Rússar séu að nota Úkraínu sem tilraunasvæði
• Skutu langdrægri eldflaug í átt að Úkraínu

» Fleiri tengdar fréttir

• 1 blogg um fréttina

Bloggað um fréttina

• Guðmundur Jónsson: lygasaga í dulargerfi.