Munu elta skipið ef það siglir af stað
Setja bókamerki
Sænska strandgæslan aðstoðar nú Dani við að fylgjast með kínverska flutningaskipinu Yi Peng 3, sem grunað er um að hafa rofið sæstrengina tvo í Eystrasalti. Flutningaskipið hefur legið við akkeri á miðju Jótlandshafi síðan á þriðjudag og mun gæslan elta skipið, sigli það af stað.
Sæstrengirnir rofnuðu báðir í Eystrasalti með minna en tveggja sólarhringa millibili, annars vegar á milli Finnlands og Þýskalands og hins vegar á milli Litháen og Svíþjóðar, og hefur málið vakið mikla athygli.
Hafa finnsk og sænsk yfirvöld hafið rannsókn á málinu og hefur legið grunur á að skemmdarverkin tengist stríði Rússlands við Úkraínu.
Kína neitar ábyrgð
Samkvæmt upplýsingum sigldi Yi Peng 3 yfir sæstrengina um það leyti sem þeir voru rofnir.
Hefur þó kínverska utanríkisráðuneytið neitað allri ábyrgð og sagst vinna með aðilum málsins, þar á meðal Danmörku, við að viðhalda góðum samskiptum.
Danski sjóherinn hefur verið að fylgjast með kínverska skipinu síðan á miðvikudag og bættist svo sænska strandgæslan við í gær.
/frimg/1/53/5/1530526.jpg)
Munu elta skipið ef það siglir af stað
Staðfesti samskiptafulltrúi gæslunnar, Linnea Kappel, við fréttaveituna AFP í gær að sænska strandgæslan væri komin á vettvang með eitt sitt stærsta skip, KBV001 Poseidon.
Tjáði hún sig ekki um verkefni hennar en staðfesti þó að gæslan væri að aðstoða sænsk yfirvöld og ef Yi Peng 3 myndi sigla aftur af stað myndi sænska strandgæslan fylgja á eftir.
„Höfum sloppið bærilega með skaða af þessu gosi“
Í kappi við tímann að reyna að afstýra verkfalli
50 milljónir eiga að minnka svindl um 1 milljarð
Ökumaður í símanum valdur að umferðarslysi
/frimg/1/53/17/1531723.jpg)
Kálfur kom í heiminn á miðjum kosningafundi
„Við höldum áfram þangað til við erum búin“
Dregið úr gosóróa