Starfsfólk farfuglaheimilis handtekið

Lögreglan í Laos hefur handtekið átta starfsmenn á farfuglaheimili fyrir bakpokaferðalanga í kjölfar dauða sex ferðamanna sem létust af völd­um líklegrar metanóleitrunar á vin­sæl­um ferðamannastað í norður­hluta Laos í síðustu viku.

BBC greinir frá og segir að eigendur farfuglaheimilisins, sem er lokað, hafi neitað því að hafa afgreitt mengað alkahól en rannsókn lögreglu á dauðsföllunum stendur enn yfir.

Frétt af mbl.is

Sjötti ferðamaðurinn er látinn

Vara við áfengisdrykkju í Laos

Fjölmiðlar í Laos greina frá því að meðal þeirra sem hafa verið handteknir séu starfsmenn og stjórnendur frá Nana Backpacker Hostel í bænum Vang Vieng, þar sem nokkrir ferðamannanna sem síðar létust höfðu dvalið.

Ferðamennirnir sem létust eru frá Ástralíu, Bretlandi, Danmörku og Bandaríkjunum en stjórnvöld meðal annars í Nýja-Sjálandi, Ástralíu og Bretlandi hafa varað borgara sína við áfengisdrykkju í Laos.

• Blogga um frétt