Ákæra um embættisbrot lögð fram
Setja bókamerki
Stjórnarandstaðan í Suður-Kóreu hefur gefið út ákæru á hendur Yoon Suk Yeol, forseta Suður-Kóreu, fyrir embættisbrot eftir að hann setti á herlög í landinu.
Þingið felldi herlögin skömmu síðar úr gildi.
Framtíð Yoon, sem er íhaldsmaður og fyrrverandi saksóknari, er í mikilli óvissu. Hann var kjörinn forseti árið 2022. Eftir ákvörðun Yoon um herlögin stöðvaði her landsins starfsemi þingsins, girti þinghúsið af og sjá mátti herþyrlur lenda á þaki þinghússins.
Ekki hefur verið ákveðið hvenær greidd verða atkvæði á þinginu um ákæruna en hugsanlegt er að það verði á föstudaginn.
Stjórnarandstaðan er með vænan meirihluta á þinginu, þar sem 300 þingmenn sitja, og þarf ekki mörg atkvæði frá flokki forsetans til að tryggja sér þá tvo þriðjuhluta atkvæða sem þarf til að ákæran um embættisbrot verði samþykkt.
Allt að 80% aukning milli ára
Fundur fljótlega: „Það er að fæðast fallegt barn“
Hollendingar sagðir hjálpa Pútín
Skæð fuglaflensa staðfest í Ölfusi
„Það er verið að kalla eftir okkur“
HA ríður á vað gervigreindar
Vilja niðurfellingu opinberra gjalda