Time tilkynnir um mann ársins á morgun
Setja bókamerki
Búist er við því að Donald Trump, verðandi Bandaríkjaforseti, verði útnefndur „maður ársins“ af bandaríska tímaritinu Time á morgun. Til að fagna afhjúpun forsíðunnar mun Trump hringja inn viðskiptin í Kauphöllinni á Wall Street.
Frá þessu greinir Politico og hefur eftir þremur heimildarmönnum sem þekkja til áformanna.
Tónlistarkonan Taylor Swift var á síðasta ári maður ársins hjá Time en tímaritið hefur valið mann ársins frá árinu 1927.
Hefur áður orðið fyrir valinu
Ef Trump verður fyrir valinu þá er um að ræða annað skipti sem hann verður fyrir valinu hjá Time, en hann var einnig útnefndur árið 2016 þegar hann var fyrst kjörinn forseti Bandaríkjanna.
Alls hafa 14 Bandaríkjaforsetar orðið fyrir valinu og flestir þeirra oftar en einu sinni.
Aðrir koma til greina
Stuttur listi yfir þá sem valið stóð á milli var kynntur á mánudaginn í þættinum The Today Show á NBC og á honum voru meðal annars Trump, Kamala Harris, Katrín prinsessa af Wales, Elon Musk, Joe Rogan og Benjamín Netanjahú.
Sá sem verður fyrir valinu ár hvert er sú manneskja sem hefur haft hve mest áhrif á heiminn á liðnu ári og í fortíðinni hefur fólk á borð við Winston Churchill, Elon Musk, Angela Merkel og Adolf Hitler orðið fyrir valinu.
Segir næstu stjórn sitja uppi með ákvörðun Bjarna
Líkamsárásir í Hafnarfirði og Kópavogi
Myndir: Vöruhús hindrar útsýni íbúa
Engin heiðvirð manneskja vilji kenna sig við samtökin
Innherji: Grunar að við séum ekki lengur í Kansas
Forstjóri FBI segir af sér í ljósi endurkjörs Trumps
/frimg/1/53/59/1535960.jpg)
Hlutu styrk upp á 3,5 milljarða