Pelicot óhrædd
Setja bókamerki
Franska konan Gisele Pelicot óttast ekki ný réttarhöld fari svo að einhver sakborninga í kynferðisbrotamáli gegn henni áfrýi dómnum sem féll í gær.
Fyrrverandi eiginmaður hennar var þá dæmdur í 20 ára fangelsi fyrir að hafa byrlað henni ólyfjan og boðið tugum ókunnugra manna til að nauðga henni á meðan hún lá meðvitundarlaus.
Pelicot, sem er 72 ára gömul, hefur verið hampað sem hetju og táknmynd femínista fyrir hennar hugrekki og virðuleika á meðan réttarhaldinu stóð í þrjá mánuði. Því lauk með sakfellingu allra sakborninga sem voru 51 talsins. Þar á meðal fyrrverandi eiginmaður hennar sem skipulagði ofbeldið.
Tveir sakborninganna íhuga nú að áfrýja dómnum og lögmaður fyrrverandi eiginmanns hennar útilokar ekki heldur áfrýjun. Pelicot hefur sagt að ferlið hafi verið erfitt, en að sögn lögmanns hennar þá óttast hún ekki áfrýjun.
„Ef af því verður þá hefur hún gefið til kynna að hún muni taka á því, ef hún er nægilega heilsuhraust, þar sem hún er augljóslega orðin 72 ára gömul,“ sagði Stephane Babonneau, einn lögmanna hennar, í samtali við útvarpsstöðina France Inter.
„En þrátt fyrir þá, þá óttast hún það ekki, það er það sem hún hefur tjáð okkur.“
Stóðu skógarþjófa að verki
Forstjóri bendir á ábyrgð birgja vegna verðhækkana
Stormur á Þorláksmessu en víðast hvar stefnir í hvít jól
Funda með þingflokkum
Alvarlegt tilfelli og neyðarástandi lýst yfir
Helgi Magnús mætir til starfa í dag
Kristrún Frostadóttir verður forsætisráðherra
„Mamma fór að hágráta“