Scholz: „Hugur minn er hjá fórnarlömbunum“

Olaf Scholz, kanslari Þýskalands, segir hug sinn vera hjá fórnarlömbum og aðstandendum þeirra sem urðu fyrir árásinni á jólamarkaði í Magdeburg í Þýskalandi í kvöld. 

„Fréttirnar frá Magdeburg sýna það versta. Hugur minn er hjá fórnarlömbunum og aðstandendum þeirra. Við stöndum með þeim og íbúum Magdeburg. Ég vil þakka þeim sem hafa staðið að björgun á þessum erfiðu tímum,“ sagði Scholz í færslu á X. 

Maður ók bíl inn í mannfjöldann á jólamarkaði í borginni Magdeburg í austurhluta Þýskalands í kvöld. Tveir eru látnir og tugir slasaðir eftir árásina. Hið minnsta fimmtán eru alvarlega slasaðir.

Lögreglan handtók í kvöld mann sem grunaður er um verknaðinn. Er hann sagður vera frá Sádi-Arabíu.

Frétt af mbl.is

Hinn grunaði sagður vera frá Sádi-Arabíu

Mikill viðbúnaður er á staðnum. AFP/Doerthe Hein

Tekur undir orð kanslarans

Robert Habeck, varakanslari Þýskalands, hefur sömuleiðis tjáð sig um málið: 

„Hræðilegar fréttir frá Magdeburg, þar sem fólk vildi eyða aðventunni í friði og í góðum félagsskap. Hugur minn er hjá fórnarlömbum og aðstandendum þeirra.“

• Blogga um frétt