Íslenski fjárhundurinn er nú viðurkenndur sem hreinræktuð hundategund af bresku hundaræktendasamtökunum, Kennel-klúbbnum.

Þetta kemur fram á vef Guardian.

Þar er fjallað um hundategundina og hún sögð hafa verið nefnd í Íslendingasögum fyrir meira en 1.000 árum.

Kennel-klúbburinn segir íslenska fjárhundinn eftirsóknarverðan, snjallan og einstaklega vinalegan. Klúbburinn stendur fyrir Crufts-hundasýningunni.

Klúbburinn viðurkennir bara tegund sem hreinræktaða hundategund ef það eru komnar nokkrar kynslóðir tegundarinnar og að það sé hægt að bera kennsl á ættlegg með tiltekna eiginleika. Þá er einkum horft til skapgerðar og heilsu hunda.

Íslenski fjárhundurinn fær þó ekki að taka þátt í Crufts-hundasýningunni fyrr en eftir 1. apríl 2025 þegar viðurkenningin tekur gildi.

Tegundin verður 224. hundategundin sem samtökin viðurkenna. 

Tengdar fréttir

Krúttleg dýr

Sjaldgæfur gestur í Seljahverfi

• 8 ára drengur bjargaði kettlingi frá kattaníðingum
• Fengu óvæntan gest inn um strompinn
• Fíllinn sem fann sig ekki með eigin kyni
• Diegó er fundinn

» Fleiri tengdar fréttir

• Blogga um frétt