Fimm menn á aldrinum 15-20 ára hafa verið handteknir eftir að skotið var á tvo 15 ára drengi í Rosengård í Malmö í Svíþjóð á gamlárskvöld.

Sænska ríkisútvarpið, svt, greinir frá.

Drengirnir tveir sem urðu fyrir skotárásinni voru fluttir alvarlega slasaðir á sjúkrahús og í dag greindi lögreglan í Malmö frá því að annar drengjanna sé látinn.

Lögreglan fékk tilkynningu um klukkan 23 á gamlársdag um skotárásina og handtók í kjölfarið fimm menn sem eru grunaðir um árásina sem átti sér stað í stigagangi. Hinir grunuðu eru á aldrinum 15 til 20 ára, þar af þrír undir 18 ára aldri. Þeir eru allir frá Malmö.

Tengdar fréttir

Óöld í Svíþjóð

Þekktur tónlistarmaður myrtur

• Sænsk bölmenni lögðu á ráðin um dráp
• Þyngstu dómarnir miðað við aldur
• Piltar teknir með skotvopn og sprengiefni í Malmö
• Manndráp orðin pöntunarvara

» Fleiri tengdar fréttir

• Blogga um frétt