Bátsferðum hælisleitenda yfir Ermarsund fjölgaði
Setja bókamerki
Fleiri hælisleitendur lögðu leið sína yfir Ermarsund til Bretlands á síðasta ári en árið 2023. Bátsferðunum fjölgaði enn frekar eftir að Verkamannaflokkurinn tók við völdum í landinu um mitt ár.
36.816 hælisleitendur lögðu leið sína yfir Ermarsund frá Norður-Frakklandi til Bretlands árið 2024 sem er 25% fjölgun frá árinu 2023.
29% fjölgun eftir að Starmer tók við
Bátsferðirnar yfir Ermarsund jukust enn frekar eftir að Verkamannaflokkur Keir Starmer tók við völdum í júlí.
Ef borið er saman saman fyrstu sex mánuði ársins, þegar Íhaldsflokkurinn var við völd, við fyrstu sex mánuði ársins 2023 þá er fjölgunin 19%.
Ef síðustu sex mánuðir ársins, eftir að Verkamannaflokkurinn tók við völdum, eru bornir saman við síðustu sex mánuði ársins 2023, þá er fjölgunin 29%.
Á allra síðustu mánuðum stjórnar Íhaldsflokksins samþykkti þingið að senda alla hælisleitendur sem kæmu yfir Ermarsund til Rúanda.
Starmer tilkynnti hins vegar á degi eitt í embætti að brottvísunaráætlunin væri ekki gild og að hann myndi frekar einbeita sér að því að takast á við menn og gengi sem smygla fólki.
Afganskir hælisleitendur flestir
Afganskir hælisleitendur voru fjölmennasti hópurinn á fyrstu níu mánuðum ársins 2024 og voru 17 prósent af heildarfjöldanum.
Þar á eftir komu Víetnamar, sem voru 13 prósent af heildarfjöldanum, Íranir voru 12 prósent, og Sýrlendingar 12 prósent.
Um er að ræða næstmesta fjölda hælisleitenda sem kemur yfir Ermarsund í sögu Bretlands, en metið var slegið árið 2022.
Mesta vatnshæð frá upphafi mælinga
Binda enda á 63 ára útgerðarsögu
Telur að eldgosahrinan sé að fjara út
Sannfærð um að „gullmolar“ leynist í tillögunum
Hægt að þétta byggð á betri hátt
Íslandsvinur lést í árásinni í New Orleans
Titringurinn ekki hönnunargalli
