Alþjóðaflug til Damaskus hefst aftur í næstu viku
Setja bókamerki
Alþjóðaflug mun aftur hefjast á flugvellinum í Damaskus í Sýrlandi á þriðjudag. Engar farþegavélar hafa lent í höfuðborginni síðan Bashar al-Assad var steypt af stóli.
„Við fullvissum arabísk og alþjóðleg flugfélög um að við höfum þegar hafið endurbyggingu á flugvöllunum í Aleppo og Damaskus með hjálp samstarfsaðila okkar svo að við getum tekið á móti flugvélum frá öllum heimshornum,“ sagði Ashhad al-Salibi, flugmálastjóri Sýrlendinga, við ríkismiðilinn SANA.
Flugvélar með mannúðaraðstoð og erlendar sendinefndir hafa þegar lent í Sýrlandi. Þá hefur innanlandsflug þegar hafist.
Syrian Airlines mun hefja áætlunarflug á milli Damaskus og Dúbaí í Sameinuðu arabísku furstadæmunum á þriðjudag.
Sama dag mun Qatar Airways einnig hefja áætlunarflug til höfuðborgarinnar þrisvar sinnum í viku. Það er í fyrsta sinn í 13 ár sem flugfélagið flýgur til Sýrlands.
AFP-fréttaveitan hafði það eftir katörskum embættismanni í desember að stjórnvöld þar í landi hafi boðist til þess að aðstoða ný sýrlensk stjórnvöld við að koma flugvellinum í Damaskus aftur á laggirnar.
Hrossatað skilgreint sem afurðir dýra en ekki spilliefni
Eitt hæsta eldsneytisverðið hér
MDE tekur fyrir mál Gráa hersins
Hefði komið meira á óvart hefði hann tekið slaginn
Kjötvinnslan samræmist ekki skipulagi
Vatnshæð lækkaði talsvert í gær
Grænlendingar stígi í átt að sjálfstæði