Leggja lokahönd á hljóðritið úr flugstjórnarklefanum
Setja bókamerki
Rannsakendur eru að leggja lokahönd á afrit af hljóðriti úr flugstjórnarklefa flugvélar Jeju Air sem brotlenti á sunnudag.
Hljóðritið gæti gefið vísbendingar um hvað varð til þess að vélin brotlenti með 181 manns um borð. Einungis tveir í áhöfninni lifðu af.
Hópur rannsakenda samanstendur af Suður-Kóreumönnum, Bandaríkjamönnum og starfsmönnum Boeing, en vélin var af gerðinni Boeing 737-800. Þeir hafa kembt svæðið í suðvesturhluta Muan frá því að vélin brotlenti.
„Búist er við að vinna við afrit af hljóðritun flugstjórnarklefans (CVR) klárist í dag, og verið er að undirbúa flutning svarta kassans (FDR) til Bandaríkjanna,“ sagði í yfirlýsingu suðurkóreskra stjórnvalda.
Þá tókst að ná í hreyfil vélarinnar af slysstað í vikunni.
Nákvæm orsök slyssins eru ókunn en rannsakendur hafa bent á bilun í lendingarbúnaði, steinsteyptan vegartálma á flugbrautinni og hóp fugla sem hugsanlegar ástæður.
Forstjóri Jeju Air sætir nú farbanni á meðan slysið er rannsakað.
Hrossaatað skilgreint sem afurðir dýra en ekki spilliefni
„Engin auðveld leið“ til að takast á við netsvik
Eitt hæsta eldsneytisverðið hér
Vatnshæð lækkaði talsvert í gær
Kjötvinnslan samræmist ekki skipulagi
Vil ekki sjá eftir neinu í þessu lífi
Tveir fluttir á slysadeild eftir árekstur