Utanríkisráðherra Úkraínu, Andrí Sibíha, þakkaði Íslandi fyrir tveggja milljóna evra stuðning við hergagnaframleiðslu Úkraínu á fundi sínum með Þorgerði Katrínu Gunnarsdóttur í dag.

Þorgerður er í Kænugarði í sinni fyrstu opinberu heimsókn sem utanríkisráðherra Íslands.

Í tilkynningu úkraínska utanríkisráðuneytisins segir að Sibíha hafi á fundinum lagt áherslu á sérstök tengsl Úkraínu og Íslands, sem hann sagði ná þúsund ár aftur í tímann, og minntist sérstaklega á að höfuðborgin Kyiv bæri hið sérstaka nafn Kænugarður á íslensku.

Frétt af mbl.is

Þorgerður Katrín í heimsókn í Úkraínu

Hlakkar til aukinna fjárfestinga

Lýsti hann yfir miklu þakklæti í garð Íslands fyrir fjárhagsaðstoðina og kvaðst hlakka til aukinna fjárfestinga Íslands við úkraínskan hergagnaiðnað.

„Við erum þakklát Íslandi fyrir nýlegt framlag upp á rúmlega tvær milljónir evra til framleiðslu á úkraínskum vopnum að „danskri fyrirmynd“, sagði úkraínski utanríkisráðherrann en samstarfsverkefnið var að frumkvæði Danmerkur.

Þá kvaðst hann þakklátur Íslandi fyrir að hafa sent gervilimi til Úkraínu.

Frétt af mbl.is

Fjármagna stoðtæki fyrir þá sem hafa misst útlimi í Úkraínu

Tengdar fréttir

Úkraína

Tóku bæ á stærð við Reykjanesbæ á sitt vald

• Hótar að minnka aðstoð við Úkraínumenn
• Fimmtán ára fangelsi fyrir að aðstoða Rússa
• Loka fyrir gasflutning frá Rússlandi
• Fyrsti símafundur Þorgerðar sem ráðherra

» Fleiri tengdar fréttir

• 1 blogg um fréttina

Bloggað um fréttina

• Jónatan Karlsson: Sýnir aðeins hræsnina og innrætið.