Lætur strax að sér kveða á fyrsta sólarhringnum
Setja bókamerki
Donald Trump Bandaríkjaforseti hefur skrifað undir fjölda forsetatilskipana síðasta sólarhringinn og fellt 78 forsetatilskipanir sem forveri hans í embætti Joe Biden samþykkti.
Hefur hann heitið því að koma böndum á útlendingamál í landinu, lýst yfir neyðarástandi við suðurlandamæri Bandaríkjanna, sagt að aðeins tvö kyn verði viðurkennd í landinu og náðað um 1.500 manns sem höfðu verið ákærð fyrir árásina á þinghúsið 6. janúar 2021.
Þá hefur hann tilkynnt að Bandaríkin muni segja skilið við Alþjóðaheilbrigðismálastofnunina og Bandaríkin muni draga sig úr Parísarsáttmálanum.
Tveimur sleppt úr fangelsi
Trump var vígður inn í embætti í Washington í gær.
Á þeim stutta tíma sem hann hefur gegnt valdamesta embætti heims í annað sinn hefur hann sannarlega látið að sér kveða, eins og reifað er hér að ofan.
Í gærkvöldi var bræðrunum Andrew Valentin Matthew Valentin sleppt úr fangelsi í Washington en þeir voru í síðustu viku dæmdir í tveggja og hálfsárs fangelsi fyrir þátt sinn í árásinni á þinghúsið 6. janúar 2021.
„Fyrstu tveimur sjötta janúar sakborningunum hefur verið sleppt úr haldi,“ sagði Paul Ingrassia, tengiliður Trumps við dómsmálaráðuneytið, við CNN.
Staðan alvarleg og stutt í aðgerðir
Aðgerðir þýði mögulega tilflutning á fjármagni
/frimg/1/54/17/1541746.jpg)
„Getum verið að tala um ár eða áratugi“
Ekki of seint að fá inflúensusprautuna
Játaði allt á fyrsta degi
Ganga í hús sem á að rýma á Seyðisfirði