Yfirvöld í Úkraínu hafa fyrirskipað tugum barnafjölskyldna að yfirgefa bæi og þorp sem eru við fremstu víglínuna í austurhluta Donetsk-héraðs í Úkraínu.

Rússneskir hermenn hafa sótt þar fram undanfarna mánuði og náð bæjum á sitt vald. Flestir þeirra eru nú rústir einar eftir bardaga undanfarin þrjú ár, en innrásarstríð Rússa í landinu hófst í febrúar 2022.

„Ég hef fyrirskipað fjölskyldum, sem eru með börn, að yfirgefa heimili sín,“ sagði Vadím Fílasjkín, ríkisstjóri Donetsk, í tilkynningu sem hann birti á Telegram.

Nær aðgerðin til yfir 20 bæja og þorpa við fremstu víglínu, sem fyrr segir. Hann segir að um 110 börn séu búsett þar.

„Börn eiga að geta lifað í friði og ró; ekki að þurfa að fela sig frá sprengjuárásum,“ sagði hann og hvatti alla foreldra við að verða við þessum fyrirmælum.

Tengdar fréttir

Úkraína

Rússar telja ekkert nýtt felast í hótunum Trumps

• Trump segir Rússa mega búast við frekari aðgerðum
• Fjórir féllu í árás Rússa á Kænugarð
• Rússar sagðir hafa ætlað að ráðast á flugfélög
• Umfangsmesta loftárás Úkraínumanna til þessa

» Fleiri tengdar fréttir

Rússland

Rússar segja ásakanir Breta óverjandi

• Rússneskt herskip gripið við njósnir við Bretland
• Trump segir Rússa mega búast við frekari aðgerðum
• Fjórir féllu í árás Rússa á Kænugarð
• Rússar sagðir hafa ætlað að ráðast á flugfélög

» Fleiri tengdar fréttir

• Blogga um frétt