Kólumbíumenn gáfu eftir og tollastríði afstýrt
Setja bókamerki
Kólumbía hefur samþykkt öll skilyrði sem Donald Trump, forseti Bandaríkjanna, hefur sett um flutning innflytjenda til Kólumbíu.
Þetta kemur fram í tilkynningu frá Hvíta húsinu. Trump hótaði háum tollum á Kólumbíu eftir að Kólumbíumenn neituðu að taka á móti tveimur herflugvélum með ólöglega innflytjendur um borð í gær.
Trump brást illur við og boðaði refsiaðgerðir gegn Kólumbíumönnum, þar á meðal háa tolla á kólumbískar vörur. Gustavo Petro, forseti Kólumbíu, sagði að komið væri fram við fólk eins og það væri glæpamenn og boðaði að 25 prósenta tollur yrði lagður á bandarískar vörur.
Nú hafa stjórnvöld í Kólumbíu samþykkt öll skilyrði og eru Kólumbíumenn reiðubúnir að taka á móti fólkinu og heimila lendingu herflugvéla með ólöglega innflytjendur.
Í tilkynningu frá Hvíta húsinu kemur fram að hótanir um refsitolla á kólumbískar vörur hafi verið teknar af borðinu nema Kólumbíumenn standi ekki við gefin loforð.
„Hætta á því að svona deilur harðni og súrni“
Flugvél rann út af flugbraut við lendingu
Greiningum fjölgar og kostnaður eykst
Rússar missa mikilvæga höfn
2,2 milljarðar greiddir í gjafsókn einkaaðila
Tíu prósent sýna átröskunarhegðun
Lausatök í styrkgreiðslum til flokkanna
DeepSeek kemur á óvart: Kínverjar að taka forystu?