Mexíkó sendir 10.000 hermenn: Trump frestar tollum
Mexíkóskir hermenn. Tíu þúsund úr þeirra röðum verða sendir til landamæranna að sögn forsetans.
AFP
Setja bókamerki
Bandaríkin hafa frestað því um mánuð að leggja tolla á innflutning frá Mexíkó.
Frá þessu greinir forseti Mexíkó, Claudia Sheinbaum Pardo, í yfirlýsingu rétt í þessu.
Þar segir hún að Mexíkó muni svipstundis senda tíu þúsund hermenn að landamærunum við Bandaríkin, til að koma í veg fyrir vímuefnasmygl til norðurs og þá einkum smygl á fentanýli.
Ræddi við Trump
Að auki fullyrðir hún að Bandaríkin hafi skuldbundið sig til að vinna að því að hamla innflutningi þungvopna til suðurs og inn í Mexíkó.
Kveðst hún hafa átt gott samtal við Donald Trump Bandaríkjaforseta og þau komist að samkomulagi um þetta.
Hópar beggja vegna landamæranna muni í dag hefja vinnu í málaflokkum öryggis og viðskipta.
Mikill vatnselgur og verður út vikuna
Fimm Íslendingar á brottvísunarlista
Samþykkt að fjölga lögreglumönnum
Upplýsti ekki um veikindin
Höfða mál gegn Kennarasambandinu
„Ég hef ekki lesið mína eigin bók“
„Skömm að því“