Segir „róttæka brjálæðinga“ stýra þróunaraðstoðinni
Setja bókamerki
Auðkýfingurinn Elon Musk gerði bandarísku þróunaraðstoðina USAID að skotmarki sínu í gærkvöldi, þegar hann kallaði hana glæpasamtök.
Forsetinn Donald Trump fylgdi í kjölfarið og sagði stofnunina rekna af „róttækum brjálæðingum“ og að hann ígrundaði nú framtíð hennar.
Fullyrðingar þeirra beggja í gær gefa til kynna hversu mikið vald Trump hefur fært Musk til að breyta bandaríska stjórnkerfinu.
Musk fullyrti einnig á X, miðli sem hann tók yfir með lánsfé árið 2022, að USAID hefði með peningum skattgreiðenda fjármagnað rannsóknir á efnavopnum, þar á meðal Covid-19, sem orðið hefðu milljónum manns að bana.
Embættismenn í ríkisstjórn Bidens höfðu tengt slíkar fullyrðingar við áróðursherferð á vegum Rússa.
Mikil óvissa
Trump frysti um daginn allar hjálpargreiðslur stofnunarinnar í þrjá mánuði. Síðar samþykkti hann þó undantekningar í tilfellum matvæla- og mannúðaraðstoðar.
Starfsmenn USAID segja mikla óvissu ríkja um framtíð hennar sem sjálfstæðrar stofnunar, að því er AFP-fréttaveitan greinir frá.
USAID var komið á fót af Bandaríkjaþingi og hefur til umráða um 42,8 milljarða bandaríkjadala sem verja á til mannúðar- og þróunaraðstoðar um víða veröld.
„Leiðinleg og erfið staða“
Fimm Íslendingar á brottvísunarlista
Djúpfalsanir búa til nýjar hættur
Veitingamaður: Bíða niðurstöðu úr sýnum
Greiða atkvæði um ótímabundin verkföll í dag
Upplýsti ekki um veikindin
Bjóst ekki við að fá Grammy