Masoud Pezeshkian, forseti Írans, hefur sakað Donald Trump Bandaríkjaforseta um að reyna að knésetja Íran.

Þetta sagði forsetinn þegar Íranar minnast þess í dag að 46 ár eru liðin frá byltingunni í Íran þar sem stjórnarfar landsins breyttist úr keisaradæmi undir stjórn Íranskeisarans Mohammad Reza Shah Pahlavi í íslamskt lýðveldi undir stjórn æðstaklerksins Ruhollah Khomeini.

Fjölmenni hefur komið saman víða í Íran í dag til að minnast dagsins.

Vill ekki stríð en beygir sig ekki undir vald útlendinga

„Trump segir: „Við viljum tala“ og svo skrifar hann niður öll þau samsæri sem er ætlað að knésetja byltingu okkar,“ sagði Pezeshkian á fjöldafundi í dag. Með orðum sínum vísaði hann til refsiaðgerða gagnvart Íran sem bandarísk yfirvöld kynntu fyrr í þessum mánuði.

„Við erum ekki að leita eftir stríði,“ sagði hann og bætti við: „Við munum aldrei beygja okkur undir vald útlendinga.“

Tengdar fréttir

Íran

Ítölsk blaðakona handtekin í Íran

• ESB segir upplýsingar um flugskeyti áreiðanlegar
• Pezeshkian er nýr forseti Íran
• 35 handteknir á samkomu satanista
• Þórdís sendir engar samúðarkveðjur

» Fleiri tengdar fréttir

Donald Trump Bandaríkjaforseti

Evrópa mun svara fyrir sig

• Boðar 25 prósent toll á stál og ál
• Musk vill ekki TikTok
• Dómstóll setur lögbann á niðurskurðardeild Musks
• Þvinganir Trumps fordæmdar

» Fleiri tengdar fréttir

• Blogga um frétt