Um 250 hjólreiðamenn voru handteknir þegar þeir hjóluðu gegnum miðborg New York, hrópuðu slagorð gegn George W. Bush, Bandaríkjaforseta iog lentu nokkrum sinnum í útistöðum við ökumenn bíla. Þúsundir hjólreiðamanna tóku þátt í mótmælaaðgerðum sem sem skipulagðar voru vegna væntanlegs flokksþings Repúblikanaflokksins í borginni.

Paul Browne, aðstoðarlögreglustjóri, sagði að hjólreiðamennirnir hefðu valdið miklum truflunum og stofnað öryggi ökumanna í hættu. Þátttakendur í aðgerðunum sögðu hins vegar að mótmælaaðgerðirnar hefðu verið friðsamlegar og sökuðu lögreglu um að beita óhóflegu valdi.

Ýmis fleiri samtök og hópar hafa staði fyrir mótmælum í New York í vikunni. M.a. gengu hundruð mæðra með ung börn sín í gær yfir Brooklyn brúna og sögðu að Bush notaði opinbert fé í stríðsrekstur en ekki til að búa í haginn fyrir bandarísk börn.

Tengdar fréttir

Flokksþing Repúblikanaflokksins

Bush heitir hörðum aðgerðum gegn hryðjuverkum

• Bush formlega útnefndur forsetaframbjóðandi repúblikana
• Púað á Michael Moore á flokksþingi repúblikana
• Flokksþing repúblikana hafið í New York
• Hundruð þúsunda tóku þátt í mótmælum í New York

» Fleiri tengdar fréttir

• Blogga um frétt