Rússar þvertaka fyrir að hafa fjarlægt sprengiefnin
Setja bókamerki
Rússar harðneita að hafa fjarlægt sprengiefni frá Írak fyrir innrás Bandaríkjamanna í mars 2003, eins og haldið var fram í Washington Times í dag. „Það er ómögulegt að telja svona fréttir vera annað en skáldað rugl,“ segir Vyacheslav Sedov, talsmaður rússneska varnarmálaráðuneytisins.
„Ég lýsi því hér með yfir að rússneska varnarmálaráðuneytið [...] getur ekki tengst þessum týndu sprengiefnum, þar sem rússneskt herlið yfirgaf Írak löngu fyrir hernaðaraðgerð Breta og Bandaríkjamanna í landinu,“ hefur Interfax eftir talsmanninum.
Washington Times hefur eftir starfsmanni bandaríska varnarmálaráðuneytisins að Rússar hafi „næstum örugglega“ fjarlægt 377 tonn af sprengiefnum úr Al-Qaqaa vopnageymslunni suður af Bagdad, áður en Bandaríkjamenn réðust inn í Írak. Hvarf sprengiefnanna hefur verið hitamál í kosningabaráttunni vestanhafs undanfarna daga.
Afkoma borgarinnar 13 milljörðum undir áætlun
„Eyddi nánast allri nóttina í þetta“
Olíufélögin fái milljarða í afslátt frá borginni
Skila vonandi tillögum til dómsmálaráðherra í dag
Hluti peninganna kominn í leitirnar
Loftslagsdómurinn út í loftið
Sólarsellur verði á 10 til 20% íslenskra þaka