Jóhannes Páll páfi látinn í Róm

Jóhannes Páll páfi annar er látinn á 85. aldursári. Hann lést í kvöld klukkan 19:37 að íslenskum tíma, 21:37 að staðartíma í Róm, eftir erfið veikindi og meðal annars hjarta- og nýrnabilun.

Jóhannes Páll, sem fæddist sem Karol Wojtyla í Póllandi, tók við páfadómi árið 1978 og hefur því verið leiðtogi kaþólskra um 27 ára skeið. Fáir hafa setið lengur á páfastóli en hann og enginn páfi hefur víðar farið en Jóhannes Páll heimsótti rúmlega 120 ríki meðan hann sat í embætti.

Heilsu páfa hefur hrakað jafnt og þétt undanfarna daga uns yfir lauk í kvöld. Í tilkynningu Vatikansins segir að mjög hafi sigið á ógæfuhliðina síðastliðna nótt og í dag af völdum þvagfærasýkingar og síðar hás hita. Hafi það á endanum leitt til blóðsýkingarlosts í kvöld og öndunar- og hjartastopps.

Myndir úr ævi og starfi páfa

Ákvað að verða prestur meðan á seinna stríðinu stóð

Miklar og strangar siðareglur fylgja vali á nýjum páfa

• Blogga um frétt