Fimm ára dreng nauðgað á leikvelli í Danmörku

Fimm ára gömlum dreng var í gær nauðgað á salerni á leikvelli í Holbæk í Danmörku. Lögreglan leitar nú ódæðismannsins.

Að sögn danskra fjölmiðla uppgötvaði móðir drengsins að blóð var í nærfötum drengsins síðdegis í gær. Hún fór með drenginn á slysadeild og þá kom í ljós að honum hafði verið nauðgað í endaþarm.

Lögreglan í Holbæk segir að drengnum hafi verið misþyrmt einhvern tímann frá klukkan 9 til 15. Drengurinn er útlendur og hafa yfirheyrslur gengið hægt, bæði vegna ungs aldurs drengsins og tungumálaerfiðleika.

• Blogga um frétt