Líbanon-stríðið ákveðið með fyrirvara en herinn ekki undirbúinn

Ehud Olmert, forsætisráðherra Ísraels, hefur sætt harðri gagnrýni frá því að greint var frá því hann hefði borið vitni um það fyrir Winograd-rannsóknarnefndinni þann 1. febrúar að Líbanon-stríðið síðastliðið sumar hefði verið áformað með löngu áður en liðsmenn Hizbollah samtakanna í Líbanon námu tvo ísraelska hermenn á brott eftir árás yfir landsmæri ríkjanna í júlí. Hefur forsætisráðherrann m.a. verið krafinn svars við því hvers vegna Ísraelsher hafi ekki verið búinn undir stríð hafi hernaðurinn verið áformaður með allt að fjögurra mánaða fyrirvara. Þetta kemur fram á fréttavef Ha’aretz.

Óstaðfestar fréttir herma að bráðabrigðaskýrsla nefndarinnar verði birt þann 27. mars og að þar verði sett fram hörð gagnrýni á Olmert, Amir Peretz, varnarmálaráðherra Ísraels, Dan Halutz, fyrrum yfirmann Ísraelshers og Udi Adam, yfirmann hersveita Ísraelshers í norðurhluta landsins, vegna framgang þeirra í stríðinu og aðdraganda þess. Ekki er þó talið að þeir verði persónulega gerðir ábyrgir fyrir óförum Ísraelshers í stríðinu.

• 1 blogg um fréttina

Bloggað um fréttina

• Björgvin Gunnarsson: Einmitt já! Rétt andlit Ísraelsríkis!