Bandaríkjaher óttast að leita þurfi nýrra leiða til birgðaflutninga

Bandaríski herinn undirbýr sig nú undir að finna nýjar leiðir til að ferja vistir, eldsneyti og mannskap til Afganistan. Talsmaður bandaríska hermálaráðuneytisins í Pentagon sagði að ef óróleikinn í Pakistan muni aukast þurfi að grípa til annarra ráðstafana en fram að þessu hefur pólitískur óróleiki í landinu ekki haft áhrif á birgðaflutninga um landið.

Geoff Morrell, talsmaður Pentagon sagðist ekki hafa áhyggjur af kjarnorkuvopnaforðanum í Pakistan. „Við teljum að þau séu undir góðri stjórn,” sagði hann á blaðamannafundi í dag.

Menn hafa hins vegar áhyggjur af birgðaflutningunum til Afganistan því um 75% þeirra er flogið til Pakistans.

Morell gaf ekki upp hvaða aðrar leiðir kæmu til greina en næsti flugvöllur undir stjórn Bandaríkjahers er herflugvöllur í Kyrgystan.

• 3 blogg um fréttina

Bloggað um fréttina

• Jón Magnússon: Hvað eru Bandaríkjamenn að gera í Afghanistan?
• Sigurður M Grétarsson: Ný afsökun fyrir því að ráðast inn í Íran?
• Sæþór Helgi Jensson: farið bara burtu