Svíar kvarta en kæra ekki leikinn
jonas ekströmer / Scanpix
Setja bókamerki
Formaður sænska handknattleikssambandsins tilkynnti fréttamönnum í Wroclaw nú í kvöld að Svíar myndu ekki kæra úrslit leiksins gegn Íslandi í dag en þeir myndu leggja inn kvörtun til Alþjóða handknattleikssambandsins.
Mark sem Robert Arrhenius virtist hafa skorað undir lok fyrri hálfleiks kom aldrei fram á markatöflunni en samkvæmt því hefðu Svíar átt að vera yfir í hálfleik, 14:13.
Þar sem ekki verður um kæru að ræða er endanlega ljóst að úrslit leiksins munu standa, enda þótt ekki sé víst að Svíarnir hefðu haft erindi sem erfiði með því að leggja fram formlega kæru og krefjast þess að spilað yrði að nýju.
