Fall bin Ladens lykill að sigri

Yfirmaður bandaríska herliðsins í Afganistan telur að ekki verði hægt að sigra hryðjuverkasamtökin al-Qaeda nema leiðtogi þeirra, Osama bin Laden, verði veginn eða handtekinn.

Stanley McChrystal sagði þetta þegar hann kom fyrir hermálanefnd öldungadeildar Bandaríkjaþings í gærkvöldi. Hann svaraði þá spurningum nefndarmanna um hernaðinn í Afganistan eftir að Barack Obama Bandaríkjaforseti fyrirskipaði að 30.000 bandarískir hermenn yrðu sendir þangað til viðbótar.

James Jones, þjóðaröryggisráðgjafi Bandaríkjaforseta, sagði á sunnudag að talið væri að bin Laden væri í felum í fjöllum við landamæri Afganistans og Pakistans, stundum á pakistönsku landsvæði og stundum afgönsku.

Robert Gates, varnarmálaráðherra Bandaríkjanna, sagði þó á sunnudag að bandarísk yfirvöld vissu ekki hvar Osama væri og hefðu ekki fengið áreiðanlegar upplýsingar um dvalarstað hans í nokkur ár.

• 2 blogg um fréttina

Bloggað um fréttina

• Njörður Helgason: Efið leit og vonlítil.
• Haraldur Haraldsson: Fall bin Ladens lykill að sigri/þetta var sagt um hin …