Rúmlega 10.000 manns hafa safnast saman og fjölgar enn, að sögn lögreglu, í miðborg Lundúna en fólkið krefst þess að erlendur her fari frá Írak. Hrópuð eru slagorð þar sem krafist er friðar og að Tony Blair, forsætisráðherra Bretlands, og George W. Bush, forseti Bandaríkjanna, segi af sér. Samskonar mótmæli fara fram í fleiri löndum eins og Grikklandi, á Krít og Kýpur, í Suður-Kóreu og Tyrklandi. Mótmælagangan í Lundúnum er fyrsta stóra mótmælagangan gegn stríðinu í Írak síðan Saddam Hussein var velt úr sessi. Hluti göngufólks í Lundúnum mótmælir stefnu ísraelskra stjórnvalda í garð Palestínumanna en Samtök múslíma á Bretlandseyjum eru á meðal skipuleggjenda göngunnar.

Í dag, nokkrum dögum fyrir landsþing Verkamannaflokksins í næstu viku, birtir Financial Times í Bretlandi niðurstöðu skoðanakönnunar, sem gerð var 11.-16. september, er sýnir að 50% aðspurðra eru hlynntir því að Tony Blair, forsætisráðherra Bretlands, afsali sér völdum og eftirláti einhverjum öðrum þingmanni Verkamannaflokksins forsætisráðherrastólinn. Ekki var tekið fram hve stórt úrtak könnunarinnar var.

Tengdar fréttir

Stríð í Írak

25.000 flóttamenn hafa snúið aftur til Írak

• Tíu létust í tveimur sjálfsvígsárásum í Bagdad
• Blair neitar því að borgarastyrjöld ríki í Írak
• Meirihluti Dana styður brotthvarf hermanna frá Írak
• Fjórir íraskir hermenn ákærðir fyrir nauðgun

» Fleiri tengdar fréttir

• Blogga um frétt