Brosnan gagnrýnir Íslendinga fyrir hvalveiðar

Kvikmyndaleikarinn Pierce Brosnan, sem þekktastur er fyrir að leika James Bond, skammaði Íslendinga, Norðmenn og Japana fyrir að veiða hvali þegar hann hleypti nýju skipi af stokkunum í Lundúnum í gær. Skipið er á vegum dýraverndunarsamtakanna IFAW og verður notað til rannsókna á sjávarspendýrum.

Brosnan sagði, að þetta nýja skip yrði þýðingarmikið við verndun hvala. „Noregur, Ísland og Japan: Þið hafi ekki heimild til að drepa hvalina. Ég stend hér sem faðir. Ég vil að börnin mín og börnin þeirra fái að njóta hvalanna," sagði hann, að því er kemur fram í breska blaðinu The Independent.

Skipið, sem heitir Söngur hvalanna, er búið hljóðlátum vélum og ekki á að vera hætta á að hvalir lendi í skrúfu þess.

• Blogga um frétt