Culkin handtekinn fyrir fíkniefnabrot

Barnastjarnan fyrrverandi Macaulay Culkin var handtekin fyrir fíkniefnabrot í Oklahoma í gær. Culkin, sem er 24 ára og þekktastur fyrir hlutverk sitt í Home Alone myndunum, var stöðvaður í bifreið sinni og handtekinn fyrir að hafa undir höndum sterk lyf án þess að geta framvísað lyfseðli og marijúana, að sögn lögreglu í Oklahoma.

Culkin var færður á lögreglustöð og bókaður, en var svo sleppt gegn 4.000 dollara tryggingu, eða sem nemur tæpum 290 þúsundum króna. Hann var farþegi í bifreiðinni, en í henni fundust 17 grömm af marijúana og 16 milligrömm af lyfjum sem notuð eru til meðferðar á kvíða og flogaköstum.

• Blogga um frétt