Tom Cruise dáir Beckham

Leikarinn Tom Cruise er mikill aðdáandi breska knattspyrnumannsins Davids Beckham. Hefur Cruise sagt Becham það að hann hreinlega dái hann og að Beckham sé hetjan hans.

Tom Cruise hefur ekki farið leynt með aðdáun sína á David Beckham og síðasta sunnudag fór hann að sjá Real Madrid spila með þeim Beckham-hjónum. Í breska slúðurblaðinu The Sun í dag kemur fram, að Cruise sé mikill knattspyrnuaðdáandi og vildi miklu fremur vera frægur fyrir knattspyrnuleik heldur en kvikmyndaleik. Tom Cruise er ekki eini leikarinn sem er mikill knattspyrnuaðdáandi. Á laugardaginn fylgdist Demi Moore með Arsenal leika gegn Southampton og leikarinn Kevin Costner er einnig aðdáandi Arsenal. Hugh Grant er hins vegar áhangandi Fulham.

• Blogga um frétt