Vörubíll og fólksbíll skullu saman á Vogaheiði

Harður árekstur varð á Reykjanesbraut á Vogaheiði á fjórða tímanum í dag. Skullu þar saman fólksbíll og vörubifreið.

Aðeins bílstjórar voru í bílunum og var annar þeirra fluttur undir læknishendur á slysadeild Landspítalans í Fossvogi í Reykjavík, en meiðsli hans eru óljós enn sem komið er en þeir eru ekki taldir í lífshættu.

Hvasst var á slysstaðnum og eru ástæður slysins raktar til þess en ökumaður vöruflutningabílsins mun hafa misst stjórn á bílnum þegar vindhviða skall á honum.

• Blogga um frétt