Glóandi kjöt hættulaust

Ástralska matvælaeftirlitið segir að neytendur hafi ekkert að óttast þótt þeir verði varir við að kjöt glói í myrkri. Maður nokkur í Sydney hringdi í útvarpsstöð þar í borg og sagði farir sínar ekki sléttar eftir að honum sýndust grísakóteletturnar sínar uppljómaðar.

Matvælaeftirlitið segir að fyrirbærið stafi af hættulausri bakteríu sem gefi frá sér ljós, pseudomonas fluorescens, og sé að finna í flestu kjöti og fiskmeti. Skiljanlegt sé að fólki bregði, en bakterían valdi ekki matareitrun.

Það gerist að meðaltali tvisvar í mánuði að áhyggjufullir neytendur hringja í eftirlitið eftir að hafa fundið glóandi kjöt í ísskápnum hjá sér.

• Blogga um frétt