Unnur Birna kjörin ungfrú heimur
Setja bókamerki
Unnur Birna Vilhjálmsdóttir, fegurðardrottning Íslands, var nú rétt í þessu kjörin ungfrú heimur. Keppnin fór fram í borginni Sanya í Kína. Í öðru sæti varð ungfrú Mexíkó og ungfrú Púertó Ríkó varð í því þriðja.
Halldór Ásgrímsson forsætisráðherra sendi meðfylgjandi heillaóskaskeyti til Unnar Birnu Vilhjálmsdóttur í dag: „Innilegustu hamingjuóskir frá íslensku þjóðinni allri. Þú varst landi og þjóð til sóma eins og við var að búast.“ Þá sendi Ólafur Rangar Grímsson, forseti Íslands, og Dorrit Moussaieff forsetafrú Unni Birnu einnig heillaóskaskeyti. „Við óskum þér til hamingju með glæsilegan árangur. Þú ert landi og þjóð til sóma. Heillaóskir til fjölskyldunnar,“ segir í skeytinu.
Unnur Birna er þriðja íslenska stúlkan sem hlýtur þennan titil, en Hólmfríður Karlsdóttir vann árið 1985 og Linda Pétursdóttir árið 1989. Rúmlega 100 stúlkur tóku þátt í keppninni í ár.
„Sá vegur er bæði háll og myrkur“
Ása Ellerup flutt út og ætlar að selja húsið
Gasmengun gæti borist yfir höfuðborgarsvæðið
50 milljónir eiga að minnka svindl um 1 milljarð
Þarf að koma til móts við ólíkar þarfir lækna
77 ár á milli þess elsta og yngsta
Vika í kosningar: Þetta segja kannanir