Samgönguráðherra Bandaríkjanna gagnrýndi Britney Spears harðlega

Samgönguráðherra Bandaríkjanna, Norman Mineta, hefur gagnrýnt poppprinsessuna Britney Spears harðlega fyrir að hafa ekið með nýfæddan son sinn í fanginu.

Ummæli Mineta féllu þegar hann var að heimsækja barnaspítala í Fíladelfíu í Bandaríkjunum í gær, en þá hófst sérstök umferðarvika sem ætlað er að minna ökumenn á að hafa gætur á börnum sínum á meðan þau eru farþegar í bílum.

„Nýlegar ljósmyndir af Britney Spears akandi með son sinn í fanginu valda manni óhug,“ sagði Mineta.

„Þrátt fyrir að frú Spears hafi viðurkennt mistök sín þá mun hún senda röng skilaboð til milljóna aðdáenda sinna.“

Mineta sagði að Britney hefði verið óábyrg þegar hann kynnti nýtt átak til þess að auka öryggi barna í bílstólum.

• Blogga um frétt