Jamie Oliver segir suma foreldra vera fífl

Breski sjónvarpskokkurinn Jamie Oliver vandar foreldrum sem senda börnin sín með ruslmat sem nesti í skólann ekki kveðjurnar og kallar slíka foreldra „fífl“. Oliver segist vera búinn að fá sig fullsaddan af því að vera kurteis. Sjö af hverjum tíu nestispökkum sem bresk börn komi með í skólann séu „til skammar“.

Frá þessu greinir Ananova og hefur eftir The Sun.

Oliver les foreldrum skólabarna pistilinn í nýjum sjónvarpsþætti sínum, „Jamie's Return To School Dinners“. Hann segir þar: „Það er kominn tími til að segja það hreint út, að þeir sem gefa börnunum sínum gosdrykki eru hálfvitar og fífl. Ef börnin fá ekki heita máltíð verða foreldrarnir að taka sér tak.“

• Blogga um frétt