The Who hefja Bandaríkjalegg tónleikaferðar sinnar um heiminn

Gömlu kempurnar í The Who hófu Bandaríkjalegg sinn í gær í Philadelphiu en hljómsveitin er nú á sínu fyrsta tónleikaferðalagi um heiminn í 20 ár. Hljómsveitin, sem skaust á stjörnuhiminn árið 1965 með lögum eins og I Can´t Explain og My Generation, léku í tvo tíma í Wachovia tónleikahöllinni í gær.

Auk þess að leika stærstu smelli sína fyrir tónleikagesti þá léku þeir Pete Townsend og Roger Daltrey, eftirlifandi meðlimir hljómsveitarinnar, lög af plötunni Endless Wire sem er væntanleg.

Þetta er fyrsta plata The Who með nýju efni frá árinu 1982, en þá gaf sveitin út plötuna It´s Hard.

• Blogga um frétt