Magnús Þór kjörinn varaformaður Frjálslynda flokksins

Magnús Þór Haf­steins­son, alþing­ismaður var end­ur­kjör­inn vara­formaður Frjáls­lynda flokks­ins á lands­fundi í dag. Alls greiddu 687 manns at­kvæði í vara­for­manns­kjöri flokks­ins og þar af voru 683 gild. Magnús Þór fékk 369 at­kvæði eða 54% en Mar­grét Sverr­is­dótt­ir, fram­kvæmda­stjóri, fékk 314 at­kvæði eða 46%.

Magnús Þór sagði eft­ir kjörið, að þetta hefði verið hörð og spenn­andi bar­átta og vitað hefði verið fyr­ir­fram að hún yrði tví­sýn. Magnús sagði að nú vonaði hann að menn gætu horft fram á veg­inn og stefnt að því að vinna góðan sig­ur í kosn­ing­un­um í vor. Sagði hann Frjáls­lynda flokk­inn reiðubú­inn að tak­ast á við framtíðina.

Mar­grét Sverr­is­dótt­ir sagði, að hún teldi sig geta gengið af fund­in­um stolt og keik því engu hefði munað í kjör­inu. Hún sagðist þó viður­kenna að niðurstaðan ylli sér von­brigðum og eins að þurfa hugs­an­lega að sjá á bak henn­ar góða flokki. Boðaði hún síðan stuðnings­fólk sitt til fund­ar á mánu­dag­inn klukk­an 18.

Mar­grét sagði aðspurð við blaðamenn eft­ir að niðurstaðan lá fyr­ir, að hún ætlaði að ræða málið við stuðnings­menn sína eft­ir helg­ina áður en hún tæki ákvörðun um hvort hún starfaði áfram í flokkn­um, en hún hafði ekki viljað gefa yf­ir­lýs­ing­ar um það fyr­ir lands­fund­inn.

• 11 blogg um frétt­ina

Bloggað um frétt­ina

• Gunn­ar Björns­son: Hvað ger­ir Mar­grét?
• Ágúst Hjört­ur : Til ham­ingju "Frjáls"lynd­ir !
• Heim­ir Lárus­son Fjeld­sted: Inn­flytj­enda­for­dóm­ar ofaná.
• Magnús Helgi Björg­vins­son: Klofn­ar Frjáls­lyndi flokk­ur­inn?
• Stefán Friðrik Stef­áns­son: Magnús Þór end­ur­kjör­inn - hvað ger­ir Mar­grét?
• Viðar Friðgeirs­son: Frjáls­lynd­ir, búið mál!
• Andrés Magnús­son: Leift­ur­sókn frjáls­lyndra
• Snorri Bergz: Svindl?
• Hlyn­ur Halls­son: Erfið staða Frjáls­lyndra
• Sal­vör Kristjana Giss­ur­ar­dótt­ir: Mjótt á mun­un­um
• Tóm­asHa: Mar­grét á út­leið og nýtt nafn Frjáls­lyndra?