Skotárásir í Lundúnum og Manchester

Maður á þrítugsaldri fannst látinn í bíl sínum í Hackney í austurhluta Lundúna í morgun, og leitar lögregla tveggja manna sem sáust á vettvangi. Þá munu tveir hafa særst í skotárás í Manchester. Aðeins eru fáeinir dagar síðan þrír unglingar voru skotnir til bana í suðurhluta Lundúna.

Mikil viðbúnaður hefur verið vegna skotárásanna og leitar sérteymi lögreglu morðingjanna, þrír munu hafa verið handteknir í suðurhluta Lundúna í eftirliti, en eru ekki taldir tengjast málinu.

John Reid, innanríkisráðherra Breta, hefur brugðist við og segist nú íhuga hvort þyngja eigi refsingar vegna glæpa sem tengjast byssum og glæpagengjum.

• Blogga um frétt