Esso-merkið kostar fimmtíu milljónir á ári
Setja bókamerki
Olíufélagið ehf mun hætta að selja eldsneyti á bíla undir merkjum Esso nú um helgina og með því mun fyrirtækið spara um fimmtíu milljónir á ári. Félagið greiðir þessa upphæð líkt og stefgjöld fyrir að fá að nota vörumerkið.
En hvaða nafn mun fara á bensínstöðvarnar í staðinn. Verður það Naust eins og Sjónvarpið skýrði frá um helgina? „Það er langur vegur frá því að við getum staðfest það. Nafnið liggur ekki fyrir og verður frumsýnt um næstu helgi," sagði Hermann Guðmundsson forstjóri Olíufélagsins í samtali við Fréttavef Morgunblaðsins.
„Við berum enga ábyrgð á fréttaflutningi Sjónvarpsins í þessu efni," bætti Hermann við. Hermann sagði að þessi sparnaður í útgjöldum væri hluti af þeirri ákvörðun að skipta um nafn og einnig sú staðreynd að nafnið tengdist neikvæðum tengingum við samráðmálið þó að hvorugt væri afgerandi ástæða.
„Stærsti áhrifavaldurinn er sá að við erum að breyta mörgum félögum í eitt félag. Þessi félög eiga það sameiginlegt að bíleigandinn er viðskiptavinur þeirra og við ákváðum að samþætta þessa þjónustu undir einu merki," sagði Hermann.
Helgi Magnús mætir til starfa í dag
Þetta eru ráðherrar ríkisstjórnarinnar
Beint: Ellefu ráðuneyti í stað tólf
Ný ríkisstjórn kynnt á morgun
Ók á hóp fólks á jólamarkaði: Einn látinn
„Mér finnst gamla Samfylkingin komin aftur“
Forstjóri bendir á ábyrgð birgja vegna verðhækkana
„Börn heima sem maður myndi vilja hafa í skjóli“