Ljótasti hundur heims krýndur

Elwood, tveggja ára gamall blendingur af svonefndum Chinese Crested hundi og Chihuahua, var í gærkvöldi valinn ljótasti hundur heims á hundasýningu í Kalíforníu, eigendum hans til mikillar gleði. Elwood, sem er dökkur á brún og brá og hárlaus - ef frá er skilinn hvítur indíánakambur á höfðinu, er oft kallaður Yoda eða ET vegna þess að hann þykir afar líkur þessum kvikmyndapersónum.

„Mér finnst hann sá sætasti sem uppi hefur verið," sagði Karen Quigley, eigandi Elwoods en þau búa í Sewell í New Jersey. Þetta var í annað skipti sem Elwood tekur þátt í samkeppninni um ljótasta hund heims en í fyrra varð hann í 2. sæti.

Flestir keppendur í ár voru af tegundinni Chinese Crested. Quigley sagðist hafa bjargað Elwood fyrir tveimur árum þegar til stóð að svæfa hann en ræktandanum þótti hundurinn svo ljótur að honum datt ekki í hug að nokkur vildi eiga hann.

„Og nú er Elwood út um allt á netinu og fólk elskar hann og dáir," sagði Quigley.

Auk hins virðulega titils fékk Elwood 1 þúsund dali í verðlaun.

Karen Quigley, í miðið, fagnar eftir að Elwood var lýstur sigurvegari. Heather Peoples, með Archie og Dane Andrew með Rascal urðu í 2. og 3. sæti. AP

• 6 blogg um fréttina

Bloggað um fréttina

• Norðanmaður: Mér finnst hann krútt
• Þarfagreinir: Yodahundur?
• Ásgeir Rúnar Helgason: SiFi og fegurð
• Stefán Friðrik Stefánsson: Ljótasti hundur heims ber nafn með rentu
• Svava frá Strandbergi : Ljótasti hundur heims!
• Óttarr Makuch: Hann er svo ljótur að hann er orðinn fallegur