Verður kaffisopinn dýrari?

Íslendingar, sem eru meðal kaffiþyrstustu þjóða heims, þurfa ef til vill að fara að seilast dýpra í budduna er þeir fá sér dagsskammtinn, því að hækkunar á heimsmarkaðsverði á kaffibaunum kann að gæta hérlendis, verði hún varanleg.

Heimsmarkaðsverð á kaffibaunum náði tíu ára hámarki í síðustu viku. Helsta ástæðan var ótti við uppskerubrest í Brasilíu, stærsta kaffibaunaræktanda heims. Þá ríkir óvissa um gæði uppskerunnar í Víetnam, sem er næst stærsti kaffibaunaræktandinn.

Á síðasta uppskerutímabili dróst framleiðslan í Brasilíu saman um tuttugu og þrjú prósent vegna þurrka, og nam þrjátíu og tveim komma sex milljónum poka. Heimsframleiðslan á því tímabili var alls 114 milljónir poka, eða mun minni en tímabilið á undan.

• 3 blogg um fréttina

Bloggað um fréttina

• Benedikt Halldórsson: GLEÐIFRÉTTIR
• Óli Ingi: Dýrara kaffi???
• Jakob Falur Kristinsson: Kaffi