Þing Starfsgreinasambandsins telur mikilvægt að kannað verði hvort aðild að Evrópusambandinu og upptaka evru þjóni hagsmunum Íslands. Þetta kemur fram í ályktun, sem samþykkt var á þingi sambandsins í dag.
Í ályktuninni segir, að skilgreina þurfi kostina og gallana og gefa fólki tækifæri til að átta sig á því hvað muni breytast við mögulega inngöngu. Það verði að vera verkefni ríkisstjórnarinnar á yfirstandandi kjörtímabili.
Í greinargerð með ályktuninni segir, að innganga í Evrópusambandið og upptaka evru hefði í för með sér margþættan ávinning en í því felist einnig óvissa. Meira sé vitað um ávinninginn af ESB‐aðild en um mögulegar neikvæðar afleiðingar hennar eins og þeim, að tryggja sérhagsmuni Íslands og afleiðingum af óagaðri hagstjórn.