Foreldrar í Reykjanesbæ eru hvattir til að sækja börn sín í skólann við fyrsta tækifæri, að því er kemur fram í tilkynningu frá lögreglunni á Suðurnesjum. Segir þar  að foreldrar verði að koma inn í skólann og sækja barnið. Lögreglan segir, að ekkert ferðaverður sé á Reykjanesbraut.

Skólarnir munu sjá til þess að ekkert barn fari án fullorðins út í óveðrið.  Sama á við Grindavíkurskóla og Stóru-Vogaskóla í Vogum.  Í Gerðaskóla í Garði er nokkur fjöldi barna í skólanum og hafa skólayfirvöld þar rætt við foreldra barnanna um að sækja þau.

Öllu skólahaldi var aflýst í Sandgerðisskóla í morgun og eru öll börnin, sem voru komin í skólann, komin til síns heima.

Tengdar fréttir

Óveður

Tafir á flugi frá landinu

• Sextíu menn við björgunarstörf
• Hellisheiði lokuð
• Þakplötur fuku á Reykjanesi
• Gat ekki lent í Keflavík

» Fleiri tengdar fréttir

• 1 blogg um fréttina

Bloggað um fréttina

• Guðrún Emilía Guðnadóttir: Óveður á Suðurnesjum.