Innlent | mbl | 18.1.2008 | 11:47 | Uppfært 13:01

„Fisher ánægður hér á landi"

Mynd 1 af 18 Bobby Fischer Sverrir

Mynd 2 af 18 Fischer og Sæmundur Pálsson á blaðamannafundi á Hótel Loftleiðum eftir að Fischer kom hingað til lands árið 2005. Sverrir

Mynd 3 af 18 Guðmundur G. Þórarinsson tekur á móti Fischer árið 2005. Sverrir

Mynd 4 af 18 Fischer hafði ekki tíma til að raka sig áður en hann kom til landsins. Sverrir

Mynd 5 af 18 Fischer og Sæmundur Pálsson á blaðamannafundi á Hótel Loftleiðum eftir að Fischer kom hingað til lands árið 2005. Sverrir

Mynd 6 af 18 Fischer og Guðmundur G. Þórarinsson við skákborðið, sem notað var í einvíginu 1972. Golli

Mynd 7 af 18 Fischer látinn RAX

Mynd 8 af 18 Fischer látinn RAX

Mynd 9 af 18 Sæmundur Pálsson, Fischer og Miyoko Watai, unnusta Fischers, eftir að hann fékk í hendur ríkisfangsbréf sitt. Golli

Mynd 10 af 18 Lothar Schmidt, sem var dómari í skákeinvíginu í Reykjavík árið 1972. Golli

Mynd 11 af 18 Boris Spassky kom til Íslands árið 2006 og hitti Fischer. Golli

Mynd 12 af 18 Fischer stikar um á sviði Laugardalshallar árið 1972 Ólafur K. Magnússon

Mynd 13 af 18 Fischer kemur til taflmennsku í Laugardalshöllinni. Ólafur K. Magnússon

Mynd 14 af 18 Fischer gefur eiginhandaráritanir árið 1972. Ólafur K. Magnússon

Mynd 15 af 18 Boris Spassky og Bobby Fischer tefla örlagaríkt einvígi í Sveti Stefan í Svartfjallalandi árið 1992.

Mynd 16 af 18 Bobby Fischer, 15 ára, og Tigran Petrosian tefla í Moskvu árið 1958.

Mynd 17 af 18 Fischer og Spassky tefla síðustu einvígisskákina í Reykjavík.

Mynd 18 af 18 Bobby Fischer árið 1971.

Bobby Fisher Rax / Ragnar Axelsson

Helgi Ólafsson stórmeistari í skák segist fullur sorgar vegna fráfalls Roberts Fishers sem lést hér á landi í gær og þess hversu erfitt lífið hafi reynst þessum merkilega manni. Helgi segir að síðasta árið hafi verið Fisher erfitt en að hann viti að Fisher hafi verið ánægður hér á landi. Það hafi hann sagt sér nýlega.

Helgi sagði í samtali við blaðamann mbl.is í dag að áhrif Fishers á skákheiminn og stöðu skáklistarinnar hafi verið ótvíræð. Hann hafi í raun breytt skáksögu heimsins. „Hann öðlaðist alveg sérstakan sess sem átrúnaðargoð sem var mjög sérstakt fyrir þessa grein," sagði hann. „Hann átti líka mikinn þátt í að kynna Ísland en heimsmeistaraeinvígið sem háð var hér á landi árið 1972 fyrir tilstuðlan Fishers var stórkostleg landkynning auk þess sem það stuðlaði að stórauknum skákáhuga bæði hér á landi og úti um allan heim. Á þeim tíma var fjallað um einvígið og persónu Fishers á forsíðum allra heimsblaða og tímarita."

Fisher varð heimsmeistari í Laugardalshöll árið 1972 og hylltur sem bandarísk þjóðhetja eftir sigur á sovésku „skákvélinni" í miðju kalda stríðinu. Hann komst hins vegar upp á kant við bandarísk yfirvöld m.a. vegna skákeinvígis sem hann tók þátt í í Júgóslavíu þrátt fyrir að samskipabann væri þá í gildi við landið.

Fischer fékk ríkisborgararétt hér á landi árið 2005 eftir að íslenskur stuðningshópur hans fékk hann hingað til lands frá Japan þar sem hann hafði setið í fangelsi. Honum hafði þá verið neitað um pólitískt hæli víða um lönd.