Þyrla notuð við ræningjaleit

Þyrla landhelgisgæslunnar var kölluð út til að aðstoða við leitina að bankaræningjanum sem rændi útibú Landsbankans í Bæjarhrauni í Hafnarfirði. „Þyrlan nýtist vel við leit í hrauninu, það er svo mikið af gjótum þarna," sagði varðstjóri lögreglunnar á höfuðborgarsvæðinu.

Um borð í þyrlunni er lögreglumaður frá umferðarlögreglunni ásamt áhöfn og er farið kerfisbundið yfir leitarsvæðið. 

Að sögn framkvæmdastjóra útibúsins varð starfsfólk Landsbankans mjög óttaslegið er maðurinn réðist þar inn í morgun og ógnaði því með hnífi.

Óskað var eftir aðstoð leitarhunda björgunarsveita en ekki er vitað hvort þeir hafi tekið þátt í leitinni að svo stöddu. 

Þyrlan við leit í morgun. mbl.is/Sveinn Vignir

• 2 blogg um fréttina

Bloggað um fréttina

• Jóhannes Ragnarsson: Bankarán - helgispjöll
• Markús frá Djúpalæk: Vonandi finnst þrjóturinn