Sjúkrabílar sendir austur fyrir fjall
Setja bókamerki
Slökkvilið höfuðborgarsvæðisins hefur sent þrjá sjúkrabíla í Hveragerði og er í athugun að senda fleiri bíla þangað til þess að vera í viðbragðsstöðu. Samkvæmt upplýsingum frá slökkviliðinu er ekki vitað um nein slys á fólki en varað hefur verið við eftirskjálftum.
Jón Viðar sagði, að verið sé að flytja búnað austur fyrir fjall, þar á meðal tjöld. Sagði hann að verið væri að reyna að fá mynd af ástandinu.
Samkvæmt upplýsingum frá lögreglunni á höfuðborgarsvæðinu er verið að vinna í því að senda mannskap austur en ekki er komið í ljós hve margir lögregluþjónar muni fara.
Samkvæmt upplýsingum frá Slysavarnafélaginu Landsbjörgu hefur björgunarsveitafólk, allt frá Klaustri til höfuðborgarsvæðisins, verið kallað út vegna jarðskjálftans. Þar á meðal eru sérþjálfaðir rústabjörgunarhópar. Einnig er verið að senda stjórnunarteymi frá Landsbjörgu á staðinn sem og greiningasveit, tjöld og búnað frá Suðurnesjum.
Beint: Ný ríkisstjórn tekin við völdum
„Börn heima sem maður myndi vilja hafa í skjóli“
Skattamál verði líklega „þeirra mesta klemma“
„Mér finnst gamla Samfylkingin komin aftur“
Víkingar komnir yfir 800 milljónir í greiðslur
Forstjóri bendir á ábyrgð birgja vegna verðhækkana
„Tímabil aukinnar eldvirkni“
