Innlent | mbl | 7.10.2008 | 16:03 | Uppfært 16:29

Guðni og Pútín

Guðni Ágústsson formaður Framsóknarflokksins vill að Alþingi og ríkisstjórn sendi Pútín, forsætisráðherra Rússlands, heillaóskaskeyti vegna stuðnings hans við íslensku þjóðina. Guðni sagði að Bush hefði ekki reynst vinur Íslendinga og nú horfðu menn til Pútíns.

Guðni taldi ástæðu til að fagna og sagði að Bush hefði ekki reynst vinur Íslendinga og nú horfðu menn til Pútíns. Vegna frumkvæðis hans væru Svíar, Norðmenn og Danir farnir að hugsa um að það væri óþarfi að láta Íslendinga þjást í óreiðunni og seinaganginum.

Geir H. Haarde sagði að það kynni að vera að það væri tilefni til að senda Pútín skeyti, því hann ætti afmæli í dag. Málið væri þó ekki að fullu frágengið en þótt rússnesk yfirvöld hefðu staðfest að tekið væri jákvætt í beiðnina ætti enn eftir að semja um málið. Rússneska sem er fjórir milljarðar evra væri þó ekki hugsað til að endurlána heldur einungis til að styrkja gjaldeyrisvaraforðann.