Steingrímur skammaði Brown
Setja bókamerki
Steingrímur J. Sigfússon, formaður VG, gagnrýndi Gordon Brown, forsætisráðherra Bretlands, harðlega á norrænum leiðtogafundi í Helsinki í dag. Hvatti hann Norðurlönd til að sameinast í mótmælum gegn því að Bretar hafa beitt hryðjuverkalögum gegn Landsbankanum í Bretlandi.
„Árás Bretlands hefur kostað okkur mikið fjárhagslega, en sært okkur enn meira sem land, sem þjóð. So I will say things from this podium in the Finnish Parliament in Helsinki. Shame on you Mr Brown, shame on you. This is not how a real statesman behaves," er haft eftir Steingrími á vef Norðurlandaráðs.
Hann sagði að í fjármálakreppunni sé mikilvægara en nokkru sinni að Norðurlöndin standi saman. Steingrímur sagði það óskiljanlegt að íslensk sendinefnd væri að semja um lán frá Rússlandi áður en formlega hefði verið beðið um lán frá Norðurlöndunum.
hann sagði, að fjármálasamstarf og gjaldeyrissamstarf ætti að vera á dagskrá norræna samstarfsins. Norðurlöndin ættu einnig að skoða hvort möguleiki væri á því að hafa eina norræna mynt.
Myndir: Grindavíkurvegur aftur undir hraun
„Erum í miðri hrinu“: Styttist í Eldvörp
Hvað gerðist eiginlega í VMA?
Mjög alvarlegt ef Njarðvíkuræð gefur sig
Á algjöru frumstigi eftir þrjár vikur af verkfalli
Einar skorar á næstu ríkisstjórn