Fjölmenni í Iðnó

Fjöldi fólks er á almennum borgarafundi sem nú stendur yfir í Iðnó. Frummælendur á fundinum eru Lilja Mósesdóttir hagfræðingur, Pétur Tyrfingsson sálfræðingur, Ingólfur H. Ingólfsson fjármálaráðgjafi og Halla Gunnarsdóttir blaðamaður.

Auk þess eru fulltrúar stjórnmálaflokkanna á fundinum og sitja þeir fyrir svörum gesta á fundinum um þá stöðu sem nú er uppi í þjóðfélaginu.